Ravshan Ermatov Rossiya — Ozarbayjon o‘rtoqlik uchrashuvida hakamlik qiladi

3-sentabr kuni Moskva ostonasidagi "Arena Ximki” stadionida bo‘lib o‘tadigan Rossiya — Ozarbayjon o‘rtoqlik uchrashuviga hakamlik qiladigan Ravshan Ermatovga Abduhamidullo Rasulov va Alisher Usmonov ko‘mak beradi. Bu haqda Rossiya terma jamoasining Twitter’dagi sahifasida qayd etilgan ma’lumotiga tayanib, Championat.com xabar bermoqda.

Rejaga ko‘ra, uchrashuv Moskva vaqti bilan 19:00 (Toshkent vaqti bo‘yicha 20:00)da boshlanadi.

Rossiya va Ozarbayjon terma jamoalarining mazkur bahsi Yevropa — 2016 chempionatining saralash bosqichiga tayyorgarlik doirasida o‘tkaziladi.

Daryo.uz